ભારત સરકારના આંકડા મુજબ ભારતમાં ૩૦૦ થી વધારે કેન્સર કેન્દ્રો છે, પરંતું તેમાં ૪૦% કેન્દ્રોમાં પૂરતા સાધનો નથી. ૨૦૨૦ સુધીમાં ૬૦૦ વધારે કેન્દ્રો ભારત સરકારે શરૂ કરવાની જરૂર છે. દર લાખની વસ્તીએ ખરેખર એક કેન્સર કેન્દ્રની જરૂરીયાત છે. આવા સંજોગોમાં દાતાઓના સહકારથી કેન્સર કેન્દ્રો શરૂ કરવાની જરૂર છે. 

૫૦% કેન્સર માટે જયારે તમાકું જવાબદાર છે, ત્યારે ગુટખાં પર પ્રતિબંધ કે જાહેરમાં ધુમપાન ન કરવાના કાયદાથી કોઇ ફરક નહિં પડે. તમાકુંની ખેતી પર પ્રતિબંધ મૂકવામાં આવશે ત્યારે જ કેન્સરનું પ્રમાણ ઘટાડી શકીશ.

વિશ્વ કેન્સર દિવસ ૪ થી ફેબ્રુઆરી એ નકકી કરવામાં આવ્યો છે. 2024નું સ્લોગન છે “TOGETHER, WE CHALLENGE THOSE IN POWER” આપણે સૌ સાથે મળી, કેન્સરને કેન્સલ કરવા ચેલેંજ આપીએ. જનકલ્યાણ મેડીકલ સોસાયટી ૧૯૯૩ થી કેન્સર જન જાગૃતિ માટે લોકોને કેન્સર શિક્ષણ, કેન્સર કેમ અટકાવી શકાય તથા વહેલું નિદાન કેમ થાય તે માટે ખૂબ જ સક્રિય છે. કચ્છની ૨૧ લાખની વસ્તીમાં માંડવીમાં એક માત્ર કેન્સર નિદાન કેન્દ્રની વ્યવસ્થા હોવાથી વધુને વધુ લોકો કેન્સર માટે સ્ક્રીનીંગ કરાવે તે તેમના હિતમાં છે.